aupa Maitane "DV"
Maitane Goñik Joxe Mari Agirretxe “Porrotxen” bixita izan zuen aurreko astean Pariseko Raymond Poincaré hospitalean. Maitane pozik zegoen Porrotxi esateko sekretutxo bat zuelako. “Ostiralean etxera noa” esan zion irriparrra ahoan zuela. Porrotx saltoka hasi zen pozez zoratzen “Oeee!!saltxitxa ta pureee Oeee! Oeeee!” Muxu handi bat eman zioten elkarri eta Porrotxek beste sekretutxo bat esan zion belarrira ” Maitane, San fermin kantaren bideoklipa grabatuko dugu laster. etorri nahi duzu?” Maitanek sergituan esan zion “ahal badut hantxe izango naiz nire famili osoarekin”
Erantzun bat! :|
auzolan saria jasotzen "txintxarri aldizkaria"
Aiora zulaika “pirritxek” jaso zuen aurreko larunbatean auzolan saria. Pailazo taldea eskertu nahi izan du Lasarteko Ostadar kirol elkarteak batez ere herrian egin duen lana eskertzeko eta nola ez, herritarren bihotzak kolorez margotzen jarrai dezan animatzeko.
” Ilusio handia eman digu sari hau jasotzeak, poza ematen du Ostadar bezalako kirol elkarte batek balore hezitzaileen alde egiten dutela ikusteak” Zioen Aiorak.
- Aitziber eta bere lagunak mendian.
Aitziberrek bidali zigun argazki pirata hau mezu baten bidez. Zera esaten zuen bertan: Gauzia da, ni, Aitziber, zuen EUSKALPIRATAN jarraitzaile sutsu bat naizela eta juaten naizen mendi tontor danetara neurekin eramaten dotela, oingo hontan Izabako Kakueta mendi tontorrian, lagun batzuekin ataratako argazkixa bidaltzen dotzuet, ni lurrian botata dauana naiz, irakaslia naiz. ZORIONAK, bene benetan sekulako lan EDERRA eitxen dozue!!!!
‘Atez ate bideo laburren lehiaketako’ sariak
‘Atez ate bideo laburren lehiaketako’ sariak banatu ziren pasa den igandean. Gaztetxoen kategorian Txirrita Herri Eskolako haurrek egindako ‘HAMAR ARRAZOI’ bideo laburrak eraman du txapela. Gazteen kategorian berriz Elizatxo Ikastolako ‘ATEZ ATEKO SISTEMA’ bideoak irabazi du. Zaborrak ahal den neurrian birziklatzeko eta berrerabiltzeko udaletxe batzuk egiten duten ahalegina benetan txalogarria da eta Porrotxek pozik banatu zituen sariak artista txiki hauen artean.
Porrotx eta Marimotots bide heziketa ikasten.
Oso garrantzitsua da txikitatik kalean ibiltzen jakitea, trafikoa zer den ulertu eta arriskua non dagoen konturatzea. Hau ikasteko asmotan urbildu ziren Marimotots eta porrotx Hernaniko udaltzingoek ematen dituzten ikastaroetara. Azkeneko egunean Porrotx bere triziklo handiarekin azaldu zen klase praktikoetara eta egia esan ez zuen batere gaizki gidatu. Bide batez “Bide heziketa” zer den erakutsiko duen erreportaia ere grabatu zuten Hernaniko eskola ezberdinetan.
