2010. urtean 10. edizioan 100 euskaldun Sahara Marathoian. Kirol eta kultur munduko hainbat eragile egitasmoaren alde agertu da, baita pailazoak ere.

2010eko Otsailaren 22an Elkartasun Marathoiaren 10. edizioa ospatuko dute Tindufeko (Aljeria) saharar errefuxiatuen kanpamenduetan, 34 urtetan bizirik dirauen gatazkarekiko nazioarteko kontzientziazioa eta mobilizazioa helburu. Honez gain, dirua biltzen da saharar errefuxiatuen giza-laguntza proiektuetarako. Aurtengo diru sarrerak Dahlako (Tindouf) errefuxiatu kanpamenduan gazteei zuzendutako jolas zentru bat eraikitzeko eta Saharar Futbol Liga Nazionalaren antolakuntzarako baliabideak lortzeko izango dira.

 Aurreko urtean hainbat korrikalari euskaldunek hartu zuten parte, eta aurtengo asmoa 100 korrikalari batu eta Bilbotik hegazkin bat ateratzea da. Bidaia otsailaren 19tik 26ra bitartekoa izango da, eta 5, 10, 21 eta 42 km.ko distantzia duten lasterketak dituzte aukeran korrikalariek. Izen-ematea urtea amaitu aurretik egitea komeni da, nahiz azken eguna urtarrilaren 15a den, ondoko helbidean: www.blogak.com/saharamarathon. Bertan aurkituko duzue egitasmo honen inguruko informazio gehiago (eraman beharrekoak, elikadura, garbitasuna, prezioak…).

Honen inguran idatzi zuen atzo Berriak.