Porrotx eta Marimotots bide heziketa ikasten.
Oso garrantzitsua da txikitatik kalean ibiltzen jakitea, trafikoa zer den ulertu eta arriskua non dagoen konturatzea. Hau ikasteko asmotan urbildu ziren Marimotots eta porrotx Hernaniko udaltzingoek ematen dituzten ikastaroetara. Azkeneko egunean Porrotx bere triziklo handiarekin azaldu zen klase praktikoetara eta egia esan ez zuen batere gaizki gidatu. Bide batez “Bide heziketa” zer den erakutsiko duen erreportaia ere grabatu zuten Hernaniko eskola ezberdinetan.
Esaiguzu, zer iruditzen zaizu? 
Gasteizko haurrak trikitixa dantzatzen
Gasteizko haurrak dantza ugari egin zuten aurreko larunbatean Mendizorrotzako kiroldegian. Marimototsek kantatzen duen “trikitixa” dantzan arpegi eta imintzio xelebreak ikusi ahal izan ziren. Barregarria da haurrak eta gurasoak pailazokeriak egiten ikustea. Euskal herrian sudur gorria jantzi gabe ere pailazo asko dagoela argi dago. Gora umorea!!!
Gasteizko haurrak trikitixa dantzatzen
Aurreko larunbatean tolosako Leidorren izan ginen Mokolori egin zitzaion omenaldi hunkigarrian. Euskal herriko pailazo asko han bildu ginen merezitako agur beroa emateko eta senideei naiz lagunei gure elkartasuna adierazteko. Omenaldi bat zen arren, pailazo festa ere izan zen. Amestu genuen Mokolo bera ere pozik begira zegoela bere lagunen artetik. Guk behintzat bihotzean eramango dugu Mokolo pailazo maitagarria.
oilarra kukurrukuka
Gure baserriko oilarra nahi duenean hasten da kukurrukuka. Atzo goizaldeko lauetan ekin zion eta Txilipito jauna bere atzetik ibili zen isuna jartzeko asmoarekin. Oilarrak ordea ez zion jaramonik egiten eta txilipitori ederki jo zion adarra. Azkenean ezer egiterik ez zegoela ikusirik, Txilipito jaunak barkatu egin zion isuna eta lagunak dira orain. Batak kukurruku egiten du eta besteak pri, pri!!! Gu ere beraien atzetik ibili ginen bideo kamerarekin bideoklipa egiteko asmoz.
Txilipito oilarrari isuna jarri nahiean.
Maitane Goñi, eritasun larriari irribarre egiten dion neskatila. ARG. eitb.com
Maitane Goñi mari matraka oiartzuarra da, pirata bihurria, gure lagun handia. Gaixotasun bitxi bat du, eta orain Parisko ospitale batean dago, sendabidean. Joan den igandean gurasoek mezu bat bidali ziguten facebookera, Maitaneren tratamendua aurrera zihoala esanaz. Beste berri pozgarri bat ere eman ziguten: Ahizpatxo bat izango du! Porrotxek dio Pirritxen umetxoen laguna izango dela, eta haiekin batera jolastuko dela. Mezua bidali zigutenean Maitane lotan zen, ametsetan. Guk ere koloretako ametsak egiten ditugu gauero berarekin, baita egunez ere. Gure txoko honetatik dugun maitasuna, indarra eta alaitasuna helarazi nahi dizkiogu. Aupa Maitane, maite zaitugu!
Maitane txapelduna.
